Saturday, December 19, 2009

സുന്ദരിചെല്ലമ്മ
ചെല്ലമ്മ മരിച്ചു. സുന്ദരിചെല്ലമ്മ .അനന്തപുരിയുട പാതവക്കത്ത്‌ പദ്മനാഭനെ
നമസ്കരിച്ചതുപോലെ തണുത്ത്‌ വിറങ്ങലിച്ചു കിടന്നു- ഒട്ടും സുന്ദരമാല്ലാതെ സുന്ദരി ചെല്ലമ്മയുടെ ശരീരം.
എന്നും രാവിലെ സുന്ദരിചെല്ലമ്മ ശ്രീകോവിലിനു മുന്നിലെത്തും. ദേവനെ തൊഴാനല്ല. പൊന്നുതമ്പുരാനെ ഒരു നോക്ക് കാണാന്‍. അന്‍പത്തൊന്നു സംവത്സരങ്ങള്‍ ..... ഒരുദിവസം പോലും മുടങ്ങാതെ ചെല്ലമ്മ ശ്രീകൊവിലിനുമുന്നിലെത്തും. ദേഹം ശുചിയാക്കി, ശുഭ്രവസ്ത്രം ധരിച്ച് സര്‍വാഭരണ വിഭൂഷിതയായി പൊന്നുതമ്പുരനെ ഒരുനോക്കു കാണാന്‍. അദ്ദേഹത്തിന്റെ മിഴിമുന തന്റെ നേര്‍ക്ക് നീളുന്നതും കാത്ത്.... അര നൂറ്റാണ്ടോളം പ്രഭാതങ്ങള്‍ ...ഒരിക്കല്‍ പോലും തമ്പുരാന്‍ ചെല്ലമ്മയെ കണ്ടില്ല. എങ്കിലും ചെല്ലമ്മ വരും. തമ്പുരാട്ടിയെ പോലെ .. പ്ട്ടമഹിഷിയെപ്പോലെ....
ചെല്ലമ്മക്ക് ഇരുപത്തൊന്നു തികഞ്ഞപ്പോഴായിരുന്നു ആ "സുദിനം'. നല്ല സംഗീത അദ്ധ്യാപിക. അഞ്ജന ശ്രീധരാ.. ചാരുമൂര്തെ കൃഷ്ണാ ... അഞ്ജലി കൂപ്പി ....നല്ല ഈണമാണ് കേള്‍ക്കാന്‍. ഒരു തിരുനാള്‍ ദിനത്തില്‍ തിരുമനസ്സുകൊണ്ട്‌ കുട്ടികള്‍ക്കും ടീച്ചര്‍ക്കും സമ്മാനങ്ങള്‍ നല്‍കി. ഒരു കസവ്നേരിയത് . ചെല്ലമ്മക്ക് അത് വെറും സമ്മാനമായിരുന്നില്ല. തന്റെ 'പുടവകൊട' ആയിരുന്നു. അങ്ങനെ ചെല്ലമ്മ 'തമ്പുരാട്ടിയായി. "പട്ടമഹിഷി"യായി. ആ 'പുടവകൊട' ചെല്ലമ്മയുടെ മനസ്സില്‍ ആന്തോളനങ്ങള്‍ സൃഷ്ടിച്ചു. ചെല്ലമ്മ അടിമുടി മാറുകയായിരുന്നു. തമ്പുരാട്ടി യുടെ "സ്റ്റാറ്റസ്' നോക്കണ്ടേ? ആ ഹൃദയം തിരുമനസ്സിനായിതുടിച്ചു . അദ്ദേഹത്തിനായി മാത്രം ചെല്ലമ്മ ചിരിച്ചു ..... അദ്ദേഹത്തിനായി മാത്രം ചെല്ലമ്മ ശ്വസിച്ചു .. അദ്ദേഹത്തിനായി മാത്രംപാടി ... ആടി...... എല്ലാം തിരുമനസ്സിനായി........ശിഷ്യ ഗണങ്ങള്‍ പരിഭ്രാന്തരായി. ചെല്ലമ്മയുടെ ജോലിയും പോയി .
ഒന്നുമറിയാതെ ,ഒന്നുമോര്‍ക്കാതെ എല്ലാ പ്രഭാതത്തിലും ചെല്ലമ്മ അണിഞ്ഞൊരുങ്ങി മുല്ലമാല ചൂടി കാത്ത് നിന്നു. തന്റെ പൊന്നു തമ്പുരാനെ കാണാന്‍. ദിവസങ്ങള്‍... മാസങ്ങള്‍... വര്‍ഷങ്ങള്‍ .... സംവത്സരങ്ങള്‍... ചെല്ലമ്മ കാത്തിരുന്നു. കാതോര്‍ത്തിരുന്നു. വില്ലുകെട്ടിയ കുതിര വണ്ടിയുടെ, ശംഖുമുദ്രയുള്ള കാറിന്റെ ഒച്ച കേള്‍ക്കാന്‍ കാതോര്‍ത്തിരുന്നു. ...
ആഭരണങ്ങള്‍ നിറയെ അണിഞ്ഞു ചെല്ലമ്മ. വളപ്പൊട്ടുകളും , വര്ണക്കടലാസ്സും കൊണ്ട് മാല ചാര്‍ത്തി . കൈനിറയെ കുപ്പിവളകളണിഞ്ഞു കാത്തിരുന്നു. കീറി പറിഞ്ഞ "പട്ടുചേല'-നാട്ടുകാര്‍ മൂക്ക് പൊത്തി. അംബിക ടീച്ചര്‍ മാത്രം ചെല്ലമ്മയെ മറന്നില്ല തന്‍റെകൂട്ടുകാരിക്ക് ഇഷ്ട്ടപ്പെട്ട "പാലപ്പവും" കൊണ്ട് ടീച്ചര്‍ ശ്രീകോവില്‍ നടയിലെത്തും .
അന്ന് രാവിലെ ആരോ പറയുന്നതു കേട്ടു "സുന്ദരിചെല്ലമ്മ...അതിന്റെ ഒരു യോഗം! നീരുവീങ്ങിയ കാലുമായി അംബിക ടീച്ചര്‍ പോയി. തന്‍റെ കൂട്ടുകാരിയെ അവസാനമായി ഒന്ന് കാണാന്‍.ഒന്നേ നോക്കിയുള്ളൂ ... അഞ്ജന ശ്രീധരാ .... ചാരുമൂര്തെ കൃഷ്ണാ ......
നഗരസഭയുടെ "തേരില്‍" പട്ടമഹിഷി അന്ത്യയാത്രയായി. "ശാന്തികവാടത്തില്‍ " രാമച്ചവും . ചന്ദന തൈയിലവുമില്ലാതെ 'ഒരു തമ്പുരാട്ടിക്ക് ചിതയൊരുങ്ങി. അംബിക ടീച്ചര്‍ മാത്രം സാക്ഷി.. കൂട്ടുകാരീ ഇനിയൊരു ജന്മമുണ്ടെങ്കില്‍ .............................................................................................

" ഉണ്ണിമായെ, എന്‍റെ സുന്ദരി ചെല്ലമ്മയെപ്പറ്റി ഒന്നെഴുതൂ ! എന്താ അത്? "ബ്ലോഗോ?"അംബിക ടീച്ചര്‍ പറഞ്ഞു . ............... ഉണ്ണിമായ എഴുതാന്‍ തുടങ്ങി .... രാജപരമ്പരയിലില്ലാത്ത പട്ടമഹിഷിയെപ്പറ്റി................... ഉണ്ണിമായ എഴുതാന്‍ തുടങ്ങി....... . എഴുത്തിന്‍റെ ബാലപാടം അറിയാത്ത ഉണ്ണിമായ .........

Friday, December 18, 2009

മയില്‍പീലിതുണ്ടുകള്‍
കാലത്തിന്റെ നാള്‍വഴികള്‍ പുറകോട്ടു മറിക്കുമ്പോള്‍ ഏതോ താളില്‍ ഉണ്ണിമായ മറന്നുവച്ച മയില്‍പീലിതുണ്ടുകള്‍ !സംവത്സരങ്ങള്‍!!! _ഇനിയൊരിക്കലും.. കണ്ടുപിടിക്കനാവില്ലെന്നുനിനച്ചു മറന്നുവച്ച മയില്‍പ്പീലിതുണ്ടുകള്‍ .......അക്ഷരങ്ങള്‍ ...ഇന്നലെവരെ ഞാനുണ്ടായിരുന്നുവെന്നും ഇന്നില്‍ ഞാനില്ലാതായി എന്നും നീ വിസ്വസിചിരുന്നുവോ ? ഉണരൂ ഉണ്ണിമായെ ഉഷസ്സ് വിളിക്കുന്നു. മിഴികള്‍ തുറക്കൂ കണ്ണീര്‍കണമോ ആനന്ദ
ബാഷ്പമോ?
ഉണരൂ !വാഗ്മയിയുടെ ശ്രീകോവിലില്‍ നിര്‍മാല്യം തൊഴണം. നീ നിന്‍റെ നൂപുരങ്ങള്‍ വീണ്ടും
അണിയണം. അക്ഷരങ്ങള്‍ കൊണ്ട് അര്‍ച്ചന ചെയ്യണം .വരൂ !ഉഷസ്സ് വിളിക്കുന്നു .

തങ്ക തളിക പോലുള്ള ആ മുഖവും, നെറ്റിയിലണിഞ്ഞ സിന്ദൂരവും, കുഴിനഖം കുത്തിയ കാലടികളും, കാല്പെട്ടിയില്‍ സൂക്ഷിച്ച കൊളുന്തിന്റെ മണമുള്ള അലക്കിയ മുണ്ടും, കുന്നിന്റെ മുകളിലെ സിവന്ടംബലവും, പതറാതെ കത്തുന്ന ആ പന്തവും, കാലടികളില്‍ ഇക്കിളി കൂട്ടുന്ന മാനത്ത്കണ്ണികളും, ഉറങ്ങിക്കിടക്കുന്ന ആ നിശ്ചല ദേഹവും, വേലിപ്പൂക്കളും, പ്രതിസ്ചായകളും, പ്രതീക്ഷകളും ഇണക്കങ്ങളും
പിണക്കങ്ങളും ......എല്ലാം നീ മറന്നോ ? അതോ ....
വരൂ ഉണ്ണിമായെ ഉഷസ്സ് വിളിക്കുന്നു. വാഗീസ്വരിയുടെ വീണയില്‍ മന്ദ്രധ്വനികള്‍ ...... നൂപുരമണിയൂ ...ഝല ഝല നാദം ..വാഗീസ്വരീ ...അനുഗ്രഹിക്കൂ....